Bouddha Anupitak: Grantharaj Mahabodhimagga

‘Bauddh Anupitak’ Bauddh dharm ke mool siddhanton, jeevan ke gudh prashnon aur aatma-mukti ke maarg ko saral evam vistaarit roop mein prastut karne wali ek aadhyatmik kriti hai. Ismein brahmand aur jeevan ki utpatti evam vinaash ko vaigyanik aur aadhyatmik dono drishtikon se samjhaya gaya hai. Buddha ke Char Arya Satya, dukh aur uske kaaran, dukh-nirodh tatha Nirvaan ke maarg ke saath-saath ‘Main kaun hoon?’, ‘Main kahan se aaya hoon?’ aur ‘Antim satya kya hai?’ jaise prashnon par chintan kiya gaya hai. Samaadhi, dhyaan, Vishuddhimagg, moksh, Nirvaan, maanavta ke dharm aur aatma-Parmaatma ke sambandh sahit Tripitak ke saar ko ismein samaahit kiya gaya hai.